Estudar idiomas é toda unha oportunidade na UNED de Pontevedra.
O centro universitario a distancia pontevedrés imparte nestes momentos cursos de ata 14 idiomas a través do seu departamento de Extensión Universitaria e Actividades Culturais.
Trátase de cursos que outorgan créditos ECTS e que están deseñados para adaptarse tanto a principiantes como a estudantes con coñecementos previos.
En concreto a UNED de Pontevedra ofrece formación en inglés con profesores nativos pero tamén en coreano, chinés, xaponés, ruso, alemán, francés, italiano, portugués, ucraíno, galego, árabe, wolof e a lingua de signos.
Un abano de opcións que inclúe tanto idiomas europeos como linguas de culturas distantes.
No ámbito laboral e cultural europero a oferta enmárcase a oferta de inglés, francés, alemán, italiano, portugués, ucraíno e ruso. Para aquelas persoas que buscan un achegamento a culturas e mercados emerxentes de Asia e Medio Oriente están o coreano, chinés, xaponés e árabe.
Ademais, ofrécese a posibilidade de estudar galego para os interesados en coñecer linguas de proximidade e abriuse a porta a achegarse ao coñecemento dunha lingua africana como o wolof.
Cada curso está impartido por profesorado cualificado e pódense seguir de forma online en directo, con clases interactivas ou en diferido, para adaptarse aos horarios e necesidades de cada estudante.
As persoas interesadas en recibir información sobre estes cursos poden consultar a páxina web da UNED Pontevedra ou acudir ao centro universitario da UNED en Monte Porreiro.