O Salón do Libro pecha a súa primeira semana con preto de 11.000 visitantes
Por Redacción
A repercusión do Salón do Libro Infantil e Xuvenil de Pontevedra segue aumentando ano a ano.
Na súa décimo quinta edición a organización certifica ata o momento un incremento do 10% na cifra de visitantes con respecto ao pasado ano, o que supón que ao peche da primeira semana foron preto de 11.000 as persoas que gozaron dalgunha das actividades programadas, tanto de carácter escolar coma para o público en xeral.
Entre luns e venres, en horario de mañá, o Salón recibiu multitude de nenos de centros escolares para participar nos diferentes talleres e escoitar contacontos, unhas actividaes que continuarán esta semana, os días 1, 2 e 3 de abril, con seis sesións do espectáculo 'Martes' de Baobab Teatro.
En canto ao pasado fin de semana, só en sábado e domingo se estima a presenza dunhas 4.000 persoas nun programa cargado de actividades.
O Salón do Libro afronta agora a súa última semana, antes de pechar a presente edición o próximo sábado, día 5 de abril.
Relacionadas:
-
O Salón do Libro bate récords de asistencia na súa segunda semana
Por Redacción |
-
Os bebés descubrirán a música das palabras no Salón do Libro
Por Redacción |
-
O Salón do Libro entrega o premio europeo "Cociña de contos" a Iratxe López de Munáin
Por Mónica Patxot & Oskar Viéitez |
-
3.000 persoas visitan o Salón do Libro nos primeiros tres días
Por Redacción |