Xornada de transición, coas altas presións entrando progresivamente en Galicia. Isto quere dicir que a xornada comezará aínda cos ceos moi nubrados e algunha chuvia feble no extremo norte, pero, a medida que avance o día, iranse abrindo claros sobre todo na metade sur da Comunidade. As temperaturas mínimas experimentarán un lixeiro ascenso, mentres que as máximas non terán cambios significativos ou descenderán lixeiramente, principalmente no terzo norte. Os ventos soprarán do norte e nordés, moderados con intervalos fortes ao final da xornada entre Bares e Fisterra.