Continuaremos durante o venres baixo a influencia dun potente anticiclón centrado ó sur das Illas Británicas. Con esta situación, agárdanse bancos de néboa matinais en zonas de interior, que darán paso a ceos despexados ou con algunha nube alta, máis probable no norte e leste de Galicia. As temperaturas mínimas continuarán sen cambios, mentres que as máximas experimentarán un lixeiro ascenso. Os ventos soprarán de compoñente leste, frouxos no interior, moderados na costa.