O Conservatorio celebra o Día das Letras Galegas con música
Por Daniel Santomé
O Conservatorio de Música de Pontevedra acolleu un conmemorativo concerto con motivo do Día das Letras Galegas durante este mércores 13 de maio. O acto iniciouse cun relatorio do profesor Fernando Otero Urtaza sobre a figura de Filgueira Valverde e a súa relación coa música.
A continuación desenvolveuse un concerto da Orquestra I, baixo a batuta de Sergio Heredia Cegarra, e o Coro II, dirixido por Nanette Sánchez Ordaz, do Conservatorio, que interpretou 'Cantigas de Mar', composta por Rogelio Groba coa letra elaborada por Xosé Filgueira Valverde.
Durante este acto interviñeron Luís Costa, director do Conservatorio;Fernando Filgueira, presidente da Fundación Filgueira Valverde e fillo do homenaxeado; Manrique Fernández, xerente da Fundación Rogelio Groba e o secretario Xeral de de Política Lingüística.