Directores galegos achéganse ata o FICBUEU para presentar as súas curtametraxes
Por Redacción
O director galego afincado en Londres, Álvaro Gago achegarase este martes 8 ata Bueu para presentar a curtametraxe 'Curricán' que esta tarde abre a segunda xornada do FICBUEU. Será o primeiro dos creadores galegos que se achegará polo Centro social do Mar onde se desenvolven as sesións. O mércores, o realizador Luís Avilésfalará sobre a súa obra a concurso, 'Unary'. O venres está previsto que José Antonio Blanco, director do thriller 'Véndese. Son tres dos cinco curtas que concorren á sección galega posta en marcha neste oitavo Festival Internacional de Curtametraxes de Bueu (FICBUEU).
Ao redor de 500 persoas asistiron ás primeiras sesións, nas que que o curto mellor valorado pola audiencia foi o alemán 'Alles Wird Gut' ('Todo irá ben'), que se desenvolve na xornada en que un pai divorciado vai recoller á súa filla.
Esta noite tratarase tamén a emigración cun curto francés, a comedia cunha fita holandesa e tamén poderase gozar dun documental sobre Elena Asins e asistir a unha coprodución francotunesina.
Ao final de cada sesión, o público ten a oportunidade de fotografarse no photocall coa figura envolvida en película de cine que este ano centra a imaxe do certame.
Relacionadas:
-
O FICBueu pecha a súa oitava edición con éxito de público
Por Redacción |
-
Bandas sonoras e un encontro entre directores darán paso á gala do FICBUEU 2015
Por Redacción |
-
O Festival de Curtametraxes de Bueu comeza este luns con películas de tres continentes
Por Redacción |
-
Todo listo en Bueu para o Festival Internacional de Curtametraxes máis galego e con máis proxeccións
Por Redacción |