Cancelan o espectáculo "O lago dos cisnes" no Pazo da Cultura
Por Redacción
Por motivos alleos á empresa e ao Pazo da Cultura a dirección de Eurospectacles SARL comunicou que se ven obrigados a cancelar o evento "O lago dos cisnes" programado para este sábado 19 de decembro no Pazo da Cultura.
As entradas adquiridas serán devoltas polas canles polos que se adquiriron. O prezo das entradas era desde 24 euros.
Desde a empresa promotora do espectáculo trasladaron as súas desculpas polas molestias ocasionadas.
O lago dos cisnes, un dos ballets máis famosos e antigos da historia, con música do gran Tchaikovski, ía chegar á cidade de Pontevedra dentro da xira española do Ballet Nacional Ucraíno de Odessa.