O Festival das Cóxegas volve o domingo con danza contemporánea para a infancia
Por Redacción
O Festival das Cóxegas volverá este domingo ao Pazo da Cultura de Pontevedra da man da compañía Da.Te Danza e o seu espectáculo de danza contemporánea para a infancia ¿Cuál es mi nombre?, dirixido por Omar Meza e Rosa Díaz.
Por terceira fin de semana consecutiva, este domingo 20 de novembro a cita coas artes escénicas para toda a familia será ás 18.30 horas e está recomendada para nenos a partir de dous anos.
O espectáculo de danza e interpretación, de 45 minutos de duración, xirará arredor da idea de que a identidade fortalécese cos anos, pero a túa esencia está en ti dende que naces. Amas, ris e choras, e non importa a túa roupa, de onde veñas ou cal é o teu nome.
A venda anticipada de entradas estase a realizar en Ataquilla.com a un prezo de 6 euros máis gastos e, non caso de non esgotarse, tamén haberá entradas dúas horas antes do espectáculo na billeteira do Pazo da Cultura.
Relacionadas:
-
Danza e moita imaxinación, no Festival das Cóxegas con "¿Cuál es mi nombre?"
Por Redacción & Diego Torrado |
-
Acrobacias e números de circo fan rir no Festival das Cóxegas
Por Diego Torrado |
-
A fantástica viaxe de Jonás o espermatozoide fai parada no Pazo da Cultura
Por Diego Torrado |
-
O Festival das Cóxegas regresa a Pontevedra en novembro con catro novos espectáculos
Por Redacción |