Malkeda celebra cun concerto o décimo aniversario de 'Momentos impuntuales'
Por Redacción
A banda pontevedresa Malkeda leva en activo desde o ano 2002 no panorama musical da cidade. E este sábado 11 queren conmemorar o décimo aniversario da saída á venda do seu primeiro álbum que levaba por título 'Momentos impuntuales'.
O concerto será a partir das 22.00 horas na sala Karma e ao escenario subirán outros músicos e amigos da banda como Camilo de Soulmacklein Delahoja, Jose Dismal/Enki, Teresa de Brasa ou David Parcero, antigo compoñente do grupo.
A banda rockeira promete sorpresas para esta cita. As entradas atópanse á venda a través da web do grupo e das súas redes sociais ao prezo de 8 euros en venda anticipada.
.