Dobre homenaxe a Manuel Moldes: exposición con obras inéditas para abrir a sala bautizada co seu nome
Por Redacción
A sala de exposicións do campus de Pontevedra retomará a súa actividade o vindeiro venres 15 de outubro. Non só amosará unha nova imaxe como resultado dos traballos de renovación dalgún dos seus elementos, senón que tamén estreará nome. Deixará de denominarse de Sala X para pasar a ser Sala Universitaria Profesor Manuel Moldes.
Este cambio de nome, xa anunciado tempo atrás, supón unha homenaxe ao artista e profesor da Facultade de Belas Artes, falecido en 2017.
Para completar a homenaxe, a reapertura do espazo será coa mostra 'Manuel Moldes. Vieiros na memoria', unha exposición comisariada por Sara Donoso que se detén no interese do artista pontevedrés polo debuxo e o grafismo aplicados á pintura.
O vicerreitor do campus de Pontevedra da Universidade de Vigo, Jorge Soto, explica que o obxectivo desta nova denominación é "recordar o nome e a imaxe deste pintor, creador e profesor pontevedrés". A decisión adoptouna o equipo decanal de Belas Artes como resultado dunha petición consensuada da Xunta de Facultade.
A universidade púxose en contacto coa familia de Manuel Moldes para intentar facer aquí unha exposición con obras do propio artista homenaxeado, que poderá visitarse entre o 15 de outubro e o 15 de decembro e recolle as obras da serie 'Vieiros' do autor e tres debuxos realizados en 1977 e ata agora inéditos.
A profesora Chelo Matesanz e directora da Área de Dinamización Cultural, Educativa e Integración do campus, Eulalia Agrelo, foron as coordinadoras da remodelación da nova sala.
Relacionadas:
-
‘Formas de atrapar unha sombra’ inaugúrase na Sala Manuel Moldes con obras de catro artistas
Por Redacción |
-
O 30 de novembro inaugurarase unha mostra antolóxica de Manuel Moldes na nova sede da súa fundación
Por Oskar Viéitez |
-
Un percorrido polos premios de pintura da Universidade na Sala Manuel Moldes
Por Redacción |
-
Catálogo da Facultade de Belas Artes para lembrar a obra do pintor pontevedrés Manuel Moldes
Por Redacción |
-
Belas Artes lembra a Manuel Moldes poñendo o seu nome á sala de exposicións
Por Mónica Patxot & María José Pita |
-
A Sala X de Belas Artes será rebautizada co nome de Manuel Moldes
Por Alejandro Espiño |
-
O mundo da arte, emocionado co adeus ao incomparable Manuel Moldes
Por Mónica Patxot & Anxo Lourido |
-
O adeus que pediu Manolo Moldes: estudantes elaboran un sudario entre sorrisos e cervexas
Por Mónica Patxot & Anxo Lourido |
-
Acto civil no Teatro Principal para despedir un "referente indiscutible" da vida cultural de Galicia
Por Natalia Puga |
-
Loito na cultura pontevedresa: falece o pintor Manuel Moldes
Por Natalia Puga |
-
RADIO.- Cara a cara: Manuel debuxa, Moldes contesta
Por Marisa Ciordia |