O Memorial Ricardo Portela homenaxea a Maruxa Miguéns e Xosé Romero
Por Mónica Patxot
A vixésimo terceira edición do Memorial Ricardo Portela homenaxeou esta fin de semana ao matrimonio formado por Maruxa Miguéns e Xosé Romero.
A Praza da Ferrería volveu ser o escenario elixido para as actividades en torno deste memorial, que incluiu unha nova edición, a número 20, da Mostra de Artesáns de Instrumentos Tradicionais.
O venres houbo un pasarrúas co Dúo Alvariño, os Gaiteiros das Rías Baixas, Millarancos e Par de Par e un concerto de Volta e Dálle (21:00 horas).
Ao día seguinte, os pasarrúas foron con Boas Pécoras, Cuarteto da AC Abertal, Os Enxebres de Cacheiras e Os Erdeiros dos Morenos de Lavadores e o concerto das 21:15 horas correu a cargo de Carapaus.
Entre ambos, ás nove da noite, foi a homenaxe a Maruxa Miguéns e Xosé Romero, o matrimonio de Rianxo que impulsaron hai sete décadas uno dos grupos de música tradicional máis emblemáticos de Galicia: Os Rosales.
O memorial concluirá este domingo, despois do pasarrúas matinal e vespertino de Baila Malditos, Cantigas e Frores, Meiró e Turoqva ás 21 horas haberá un concerto de Caaamaño & Ameixeiras.
Relacionadas:
-
Juancho Marqués, Treixadura e o rapeiro Fernando Costa súmanse ás Festas da Peregrina
Por Alejandro Espiño |
-
Coque Malla, nas Festas da Peregrina: actuará en Pontevedra o 15 de agosto
Por Alejandro Espiño |
-
Zahara e Camela amenizarán as Festas da Peregrina os días 14 e 21 de agosto
Por Alejandro Espiño |