Natalia Lacunza 'ficha' polas Festas de San Roque tras a inesperada baixa de Mon Laferte
Por Alejandro Espiño
A cancelación de gran parte da xira que a artista chilena Mon Laferte ía ofrecer en España obrigou ao Concello de Vilagarcía a buscar un substituto para as Festas de San Roque. Neste caso, substituta. Será Natalia Lacunza, ex concursante de OT 2018.
A súa actuación será o domingo 14 de agosto, ás 23:00 horas, no Parque da Xunqueira. A entrada será libre e gratuíta para todos os que desexen asistir.
Natalia Lacunza saltou á fama no ano 2018 como participante de Operación Triunfo, do que foi finalista e quedou clasificada en terceiro posición.
Despois da súa experiencia televisiva presentou o sinxelo Nana triste, un adianto do que sería o seu primeiro EP Otras alas, con composicións propias no que Natalia xogaba e arriscaba cun pop desgarrado e doce e un estilo alternativo que se converteron en aceno de identidade.
Inspirada polo lirismo de James Bay, o ambiente de Ry X ou a forza de Amy Winehouse e con influencias de todo tipo, presenta agora o seu primeiro disco, Tiene que ser para mi, un álbum que encerra o máis íntimo do seu proceso creativo e vital durante os últimos tres anos.
Desde o departamento municipal de Cultura tiveron que traballar a contrarreloxo para cubrir a inesperada baixa de Laferte a pouco máis dun mes da data prevista para o concerto.
Pese á dificultade de ser agosto o mes do ano con maior número de festas e no que a maioría dos artistas teñen todas as datas pechadas dende moitos meses antes, Cultura conseguiu manter o concerto previsto para o día 14 de agosto.
Relacionadas:
-
Natalia Lacunza cancela a última hora o concerto deste domingo na Xunqueira
Por Redacción |
-
Xoanqui Ameixeiras abre as Festas de San Roque cun emocionante pregón dun "foráneo namorado desta ría"
Por Redacción |
-
Barón Rojo completa o cartel de concertos das festas de San Roque de Vilagarcía
Por Redacción |
-
M Clan actuará nas festas de San Roque de Vilagarcía
Por Redacción |
-
Mon Laferte e Hens, primeiras confirmacións nas Festas de San Roque de Vilagarcía
Por Oskar Viéitez |