Sete Espadelas obtén oito premios no XLIII Concurso do 'Día do enxalzamento do traxe galego'
Por Anxo Lourido
Sete Espadelas volveu conseguir outro extraordinario resultado no Concurso do 'Día do Enxalzamento do Traxe Galego', que se celebra en Santiago de Compostela. Este sábado entregábanse os premios da 43 edición, que só se suspendía en 2020 con motivo da pandemia, e a asociación etnográfica pontevedresa, que promoven David Quiñones e José Luis Rodríguez, obtiña oito dos trece premios deste prestixioso certame.
As categorías nas que o colectivo pontevedrés lograba os premios foron:
1º premio traxe de cotío de home : Traxe de Vilasantar
2º premio traxe de garda de home: Traxe de Betanzos
2º premio traxe de garda de muller: Traxe de Muros
1º premio traxe de cotío de muller: Traxe de A Rigueira – A Pastoriza
1º premio traxe completo antigo: Traxe de Porráns (Barro)
2º premio traxe de cotío de home: Traxe da festa de San Roque (Vigo)
2º premio traxe de cotío de muller: Traxe de Irixoa
1º premio grupo de máis de 10 persoas: Muradás en Santiago.
O xurado estaba composto por integrantes do Concello de Santiago; do Museo do Pobo Galego; Seminario de Estudos Galegos; Fundación Rosalía de Castro e outros representantes culturais de relevancia dentro do sector.
A Asociación Etnográfica Sete Espadelas dedicada ao estudo, divulgación, conservación e reprodución do traxe tradicional galego suma máis de 45 premios neste certame ao longo da súa historia, aos que hai que engadir once premios de Investigación Antón Fraguas.
O colectivo logrou un gran éxito coa súa mostra 'Galicia, a terra dos mil panos' no Museo de Pontevedra durante o ano 2019 e está previsto que o sábado 6 de agosto inaugure a exposición 'Ruth Matilda Anderson, unha viaxe pola indumentaria tradicional de Galicia' no Edificio Castelao do Museo. Permanecerá aberta ata o 16 de outubro.
Esta proposta é o proxecto máis ambicioso da asociación ao reproducir máis de 75 traxes dos fotografados por Matilda Anderson, enviada da Hispanic Society entre 1924 e 1926, coa presenza tamén das imaxes, moitas delas inéditas.
Relacionadas:
-
Sete Espadelas amosa en Barro a influencia do Camiño nos traxes tradicionais
Por Redacción |
-
Comezan as visitas guiadas pola mostra sobre Ruth Matilda Anderson e o traxe tradicional galego
Por Redacción |
-
Pola Alameda de Marín desfilará este domingo unha selección de traxes tradicionais de Pousos da Area
Por Redacción |
-
O Edificio Castelao do Museo acolle a indumentaria tradicional galega fotografada por Ruth Matilda Anderson
Por Redacción |
-
A chuvia tamén goza da espectacularidade dos traxes tradicionais de Sete Espadelas
Por Redacción |
-
Nove premios máis para a asociación Sete Espadelas no certame do Día do Enxalzamento do Traxe Galego
Por Redacción |
-
Sete Espadelas representa a Galicia no I Festival Multimedia de indumentaria tradicional de Zamora
Por Redacción |
-
Sete Espadelas obtén dous galardóns nos Premios de Investigación Antonio Fraguas na súa XXV edición
Por Redacción |
-
Novas visitas guiadas á mostra "Galiza, a terra dos mil panos"
Por Redacción |