Maria Arnal i Marcel Bagès e Ugía Pedreira, apostas para a regreso das Matinés do Principal
Por Alejandro Espiño
Outubro será o mes no que volvan As Matinés do Principal. O ciclo musical regresará cunha dobre cita, a que protagonizarán Maria Arnal i Marcel Bagès (8 de outubro) e Ugía Pedreira (29 de outubro). En ambos os casos, como é tradición, será en horario matinal, as 12:30 horas.
As Matinés do Principal regresan sen perder un ápice da súa esencia: a mellor música ao vivo para compartir en familia e en horario matutino, un ciclo para todos os públicos fóra dos tópicos do formato habitual das programacións matinais.
Maria Arnal i Marcel Bagés presentarán en Pontevedra o seu segundo álbum, Clamor, unha nova aposta de pop mutante que xa se presentou en numerosos teatros e festivais cun gran éxito, sendo nomeado o mellor directo de 2021 nos premios MIN de música independente.
A artista galega, Ugía Pedreira, coñecida como A Pedreira, traerá o seu primeiro traballo con firma propia, Segmento Cantábrico, no que combina instrumentos máis orgánicos do folk coa música electrónica vintage, e no que integra "spoken word", poesía e canción.
As entradas para ambos os dous concertos xa están dispoñibles na web ataquilla.com. O abono para ambos ten un prezo de 30 euros, mentres que as entradas individuais oscilan a partir dos 16 euros para a actuación de Maria Arnal e dos 14 para o concerto de A Pedreira.
Os menores de 12 anos disporán de entradas cun desconto do 50% sobre o prezo xeral.
Relacionadas:
-
Matiné con Ugía Pedreira no Teatro Principal de Pontevedra
Por Cristina Saiz |
-
As Matinés do Principal, un regreso agardado con María Arnal i Marcel Bagés
Por Redacción & Cristina Saiz |
-
María Arnal i Marcel Bagés, 'pop mutante' para o regreso de As Matinés
Por Alejandro Espiño |
-
Concerto do pianista arxentino Juan Carlos Cambas este sábado no Principal
Por Redacción |
-
Domingos do Principal, Ponteatro, Voices e As Matinés do Principal, fío condutor da programación cultural ata final de ano
Por Alejandro Espiño |
-
A Maika Makovski máis rockeira pecha o ciclo musical As Matinés no Pazo da Cultura
Por Redacción & Cristina Saiz |