Ponteatro bota a andar este xoves no Teatro Principal
Por Redacción
Unha nova edición do ciclo Ponteatro terá lugar entre este xoves 6 de outubro e o 10 de novembro, ás 21 horas no Teatro Principal.
A boa acollida do evento teatral fixo que se esgotaran os 50 abonos que se puxeron á venda a un prezo de 32 euros e na actualdiade só é posible mercar entradas soltas para cada función a partir de 4 euros en Ataquilla.com ou unha hora antes do espectáculo na billeteira do Principal, de non esgotarse na venda online.
Este xoves 6 de outubro comeza a programación con "As que limpan", de A Panadería. Con Areta Boado, Noelia Castro e Ailén Kendelman.
O 13 de outubro Inversa Teatro representará "O péndulo" unha obra sobre como se desenvolveron a sublevación militar de 1936 e o inicio da Guerra Civil en Galicia. Con Marta Pérez, Rosa Puga e Nerea Brey, dirixidas por Carlos Álvarez-Ossorio.
Para o 20 de outubre programouse "Golfa", de Crémilo. Unha comedia transmedia que, desde as artes escénicas, trata a sexualidade. Con Fran Cantos/Pedro Rubio, Ana Varela, María Rivera/Mercedes Borges e Ninton Sánchez/Álvaro Sanchís. Dirixe José Padilla.
O día 27 de outubro representarase "O porco de pé", a cargo de Produccións Excéntricas. Unha versión de Pepe Sendón dirixida por Quico Cadaval con Patricia Vázquez, Víctor Mosqueira e Evaristo Calvo.
E o 3 de novembro chegan "Cigarreiras", de Contraproduccións. Baseado en La Tribuna de Emilia Pardo Bazán, é unha proposta dramatúrxica audaz que, con sete actrices en escena, conxuga o ton propio dun drama individual e colectivo como La Tribuna, con outros máis frescos e lixeiros, mesmo cómicos pormomentos, tan característicos da narrativa de Pardo Bazán. Con Tamara Canosa, Susana Dans, Merce Castro, Isabel Naveira, Covadonga Berdiñas, Ana Santos e Ledicia Sola. Dirixe Cándido Pazó.
A última das obras do ciclo Ponteatro será o 10 de noviembre "Smoke on the water" de Ibuprofeno Teatro. Trátase dunha traxicomedia sórdida. Con Josito Porto, Belén Constenla, Adrián Ríos, María Costas e Mon Orencio, dirixidos por Santiago Cortegoso.
Relacionadas:
-
"As que limpan" levan a Ponteatro a iniciar tempada coas entradas esgotadas
Por Redacción |
-
Programadas 11 novas funcións escénicas en Pontevedra dentro da Rede Galega de Teatros e Auditorios
Por Redacción |
-
Saen á venda os abonos para Domingos do Principal, Ponteatro e as Matinés
Por Oskar Viéitez |
-
Domingos do Principal, Ponteatro, Voices e As Matinés do Principal, fío condutor da programación cultural ata final de ano
Por Alejandro Espiño |