![](/web/cache/scene/uploads/fotos/foto/d9d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6378a9f597-img-20221118-wa0012.jpg)
© Asociación Etnográfica Sete Espadelas
Mostra de mantóns antigos para que os estudantes coñezan a riqueza etnográfica galega
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/a00/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6378a9f606-img-20221118-wa0014.jpg)
© Asociación Etnográfica Sete Espadelas
Unha conferencia sobre 'O mantón de Manila na indumentaria tradicional de Galicia' sorprendeu a sesenta estudantes dos ciclos de Formación profesional de 1º e 2º Ciclo Superior de Patronaxe e Moda e de 1º e 2º Ciclo Medio de Confección e Moda, do Instituto CIFP Manuel Antonio de Vigo.
José Luis Rodríguez Álvarez, da Asociación Etnográfica Sete Espadelas de Pontevedra explicaba as particularidades destes panos e mostraba unha vintena de mantóns antigos chineses do século XIX e comezos do XX de diferentes épocas achegándose aos do Imperio de 1820, os Isabelinos de mediados do século XIX e os renacentistas de 1900.
Sinalaba Rodríguez Álvarez que se trata de auténticas xoias conservadas no tempo e que chegaron a Galicia desde a China, vía Manila, para incorporarse á indumentaria tradicional.
Tamén se mostraron caixas de madeira de palma policromadas en ouro e con incrustacións de madreperlas e marfil policromado que servían de embalaxe para os panos en travesías do Galeón de Manila e a Frota das Indias que chegaron a Galicia, incorporándose a etnografía tradicional.
'O mantón de Manila na indumentaria tradicional de Galicia', conferencia e mostra de Sete Espadelas
José Luis Rodríguez amosaba a estudantes curiosidades de mantóns procedentes da China que chegaron a Galicia
© Asociación Etnográfica Sete Espadelas
Relacionadas:
-
Novo éxito de Sete Espadelas ao acadar os Premios de Investigación Antonio Fraguas na XXVI edición
Por Anxo Lourido |
-
Dez vestimentas históricas galegas chegan aos escaparates do comercio local
Por Redacción |
-
A exposición sobre a vestimenta tradicional galega dos anos 20 bate récords de visitantes no Museo
Por Redacción |
-
Comezan as visitas guiadas pola mostra sobre Ruth Matilda Anderson e o traxe tradicional galego
Por Redacción |