16.000 euros para impulsar unha nova edición do Plan Músico-Cultural
Por Redacción
Raquel Rodríguez, concelleira de Cultura, anuncia unha nova convocatoria do Plan Músico-Cultural no Concello de Poio.
Esta liña de axudas presenta este ano un orzamento de 16.000 euros e destínase á contratación de grupos de música popular e folclóricos do municipio para amenizar diversos eventos culturais.
A boa acollida que tivo esta proposta no ano 2022 permitiron que colectivos organizadores de preto de 40 festexos e actividades culturais tiveran a oportunidade de financiar máis dun cento de actuacións ao longo de todo o ano.
As bases xa se atopan dispoñibles na Sede Electrónica do Concello, tras aprobarse pola Xunta de Goberno Local.
A concelleira Raquel Rodríguez entende que este sistema é unha ferramenta moi útil para visibilizar e poñer en valor ao sector cultural.