A triatleta Lucía Piñón reforza o equipo ciclista do Team Farto-BTC
Por Redacción
O Team Farto-BTC anunciou a incorporación ao seu equipo ciclista da xoven Lucía Piñón.
Trátase dunha triatleta bolseira no Centro Galego de Tecnificación Deportiva (CGTD) de Pontevedra, e que a partir de agora compaxinará os seus esforzos no tríatlon e o dúatlon con participacións en carreiras ciclistas, nas que representará o Farto
Lucía, que en tríatlon defende o Náutico de Narón, métese no ciclismo de estrada para "marcarme novos retos e obxectivos e poder aprender desta disciplina. Vaime axudar a mellorar na bici para o tríatlon, pero tamén me ilusiona moito vivir a experiencia do ciclismo e aprender do pelotón", afirmou.
A estrea da nova incorporación do equipo ciclista pontevedrés non se fará de rogar, xa que estará presente a próxima fin de semana na carreira da Copa de España que se celebra en Beasain, aínda que competirá na categoría júnior.
"Sempre tivemos algunhas xuvenís no noso programa e ilusiónanos poder traballar con Lucía. Cremos que o fará ben, aínda que ten que ir paso a paso e o primeiro é aprender a correr en pelotóns de 150 ciclistas nos que hai moitos factores importantes á parte da forma física", explicou sobre a fichaxe o director deportivo do Team Farto, Brais Dacal.
Relacionadas:
-
Triplo reforzo internacional do Farto pensando no calendario profesional
Por Redacción |
-
Iria Méndez álzase co Gran Premio Cidade de Pontevedra
Por Redacción & Cristina Saiz |
-
A Copa de España Féminas de Ciclismo aterra por cuarto ano en Pontevedra "roldando as 400 deportistas"
Por Diego Espiño |
-
O Farto anuncia a fichaxe de "un dos grandes talentos novos do país", a cántabra Sandra Gutiérrez
Por Redacción |
-
O Team Farto aposta polo calendario nacional co seu equipo feminino tras quedar sen licenza UCI Continental
Por Redacción |