Marín Futsal e Poio Pescamar velan armas para o 'Derbi da Ría' máis especial
Por Redacción
O pavillón de Príncipe Felipe, en Pontevedra, acolleu este martes a presentación da gran final da Copa Galicia de fútbol sala, que xogarán no mesmo escenario o vindeiro xoves 28 de marzo (12.00 horas) o Poio Pescamar e o Marín Futsal.
Será o 'Derbi da Ría' máis especial para ambos os dous conxuntos, co título autonómico como recompensa para o equipo vencedor.
En caso de vencer sería a cuarta Copa Galicia para o Poio Pescamar, mentres que o Marín Futsal aspira a estrearse no palmarés do torneo.
O acto de presentación da final contou coa presenza do presidente da Real Federación Galega de Fútbol, Rafael Louzán; o presidente da Deputación de Pontevedra, Luis López; as presidentas de Poio Pescamar e Marín Futsal, Olalla Folla e Araceli Pastoriza; e os alcaldes de Marín e Poio, María Ramallo e Ángel Moldes, ademáis das capitás de ambos os dous equipos, Café e Irene García.
Será unha cita de alto nivel na que "dicirlle a toda Galicia que temos os mellores equipos, dicirlle a toda Galicia que en Pontevedra somos referentes en fútbol sala feminino e dicirlle a toda Galicia que as e os pontevedreses apoiamos e fomentamos o deporte feminino", defendeu o presidente provincial.
Louzán pola súa banda aproveitou a ocasión para reivindicar que con 2.600 licenzas Galicia é "un referente do fútbol sala feminino a nivel nacional".
A final, con entradas a 5 euros para o público (de balde para os menores de 10 anos), poderá seguirse en directo a través da segunda canle da Televisión de Galicia.
Relacionadas:
-
Recepción municipal ao Poio Pescamar por ser "o mellor equipo de Galicia"
Por Redacción |
-
O Poio Pescamar logra a súa cuarta Copa Galicia ao vencer o Marín Futsal nunha final intensa
Por Anxo Lourido |
-
Juanjo García deixa a presidencia do Poio Pescamar
Por Redacción |
-
Fixadas en 5 euros as entradas para a final da Copa Galicia entre Poio Pescamar e Marín Futsal
Por Redacción |
-
A final da Copa Galicia entre Poio Pescamar e Marín Futsal xogarase no pavillón de Príncipe Felipe
Por Redacción |
-
Poio Pescamar e Marín Futsal vencen a Burela e Castro e cítanse na final da Copa Galicia
Por Diego Espiño |