O Arxil gaña o León e xa pensa na fase de ascenso (72-67)
Por Redacción & Cristina Saiz
A fase regular da liga Feminina 2 xa finalizou para o Club Baloncesto Arxil, que xa pensa na fase de ascenso á liga Feminina Challenge.
O equipo pontevedrés clasificouse para os play-off hai un mes, pero aínda faltaba por saber o posto a que ocuparía na clasificación da fase regular.
Esta posición decidiuse este domingo despois do triunfo contra o León, logrando as xogadoras de Mayte Méndez un máis que merecido terceiro posto a que lle permite acceder á fase como segundo mellor equipo, xa que o Segle XXI non conta para a fase.
A orde dos duelos decidirase o vindeiro martes 16 de abril a partir das 11:00 horas.
En cando ao partido, arrincou con máxima igualdade por parte de ambos os conxuntos (22-21), pero no segundo parcial o Arxil púxose ao choio en defensa e continuou da mesma maneira en ataque, logrando irse ao descanso cunha importante renda de 16 puntos (45-29).
Despois do paso polos vestiarios todo cambiou. Mayte Méndez decidiu dar minutos ás menos habituais e o León aproveitou para recuperarse, apertar o marcador e quedar a un palmo da remontada (72-67).
Consulta as estatísticas nesta ligazón
Relacionadas:
-
Sorteada a fase de ascenso do Arxil e inicio da súa campaña de financiamento
Por Diego Espiño |
-
Comeza a conta atrás para a celebración do Campionato de España Infantil Feminino de baloncesto
Por Almu Dapena |
-
Procura de 20.000 euros no Arxil para poder custear a fase de ascenso
Por Diego Espiño |
-
O Arxil xa coñece que rivais o esperan na fase de ascenso
Por Diego Espiño |
-
O Arxil perde en Tenerife e xogarase o terceiro posto contra o León (63-61)
Por Redacción |
-
Fin á xeira positiva do Arxil, sorprendido no CGTD polo Mataró (68-69)
Por Diego Espiño & Cristina Saiz |