Alcobendas, o máis difícil se cabe para un Teucro "muy tocado"
Por Diego Espiño
En cadro viaxa a Sociedad Deportiva Teucro este sábado á Comunidade de Madrid para enfrontarse ao segundo clasificado, o Balonmano Alcobendas, no Pabellón Municipal de los Sueños (18:00 horas).
Non faino só polas importantes baixas de Juan Bar, David Chapela (operado con éxito esta semana da súa lesión no ombro) e Víctor Rodríguez, senón polos problemas físicos que impediron o equipo "entrenar en condiciones en los últimos 15 días", segundo recoñece o técnico azul Javier Barrios.
Con Víctor sen poder recuperarse cobra especial importancia a volta de César Armán, a pesar de case non adestrar co grupo, e a presenza dun Tomás Moreira que apenas se exercitou tamén despois do choque ante o Ereintza.
A derrota en Pontevedra ante o pechacancelas doeu nun equipo azul que está a realizar un esforzo titánico para manterse na zona nobre da clasificación.
Javier Barrios: "El problema es que la situación deportiva y económica afecta a los chavales"
Por todos estes motivos Barrios non se preocupa en exceso do seu rival este sábado, porque "el problema del Teucro no es el Alcobendas, no se trata de cómo juguemos, el problema es que la situación deportiva y económica afecta a los chavales".
O técnico asegura que o equipo está "muy tocado", pero promete que a Madrid, como en cada compromiso, "vamos a ir a pelear, eso seguro".
No bando contrario o Balonmano Alcobendas recupera para a cita a dous xogadores: Sergio García, que se perdeu o último encontro por gripe, e Álex Marquez, tras superar unha escordadura de nocello.
Os colexiados designados para o choque son a parella formada polos valencianos Soria Fabián e Iniesta Castillo.