Vitoria do Cisne ante o Academia Octavio no Memorial Manuel Luaces
Por Redacción
Tarde de festa para o Club Cisne Balonmán no Memorial Manuel Luaces, que nesta ocasión servía de peche final dos actos do seu 50 aniversario.
O club pontevedrés impúxose no Centro Galego de Tecnificación Deportiva ao Academia Octavio, equipo da División de Honra Prata, por 40-32 tras protagonizar un bo encontro ante unha bancada que presentaba un grande aspecto.
Os de Edín Covelo foron superiores aos vigueses, que se presentaron con varias baixas, mandando xa dende a primeira metade nun choque típico de época de preparación, con pouca intensidade defensiva e efectividade dos ataques.
Antes do Memorial os equipos prebenxamín, benxamín e alevín enfrontáronse ao Balonmán Cangas completando unha xornada redonda de balonmán.
O Cisne, actual líder do seu grupo na Primeira Nacional, retomará a competición a próxima fin de semana visitando ao Luceros.
Relacionadas:
-
O Cisne imponse ao Cangas (32-29) no XXII Memorial Manuel Luaces
Por Ramiro Espiño |
-
Demasiado Cisne para un frouxo Bueu Atlético (35-18)
Por Ramiro Espiño |
-
Sofre pero gaña o Cisne ao Luceros (27-31) da man dun grande Andrés Sánchez
Por Redacción |
-
O Cisne despide o ano do seu 50 aniversario cunha emotiva cea 'en familia'
Por Redacción |
-
A defensa fai líder en solitario a un gran Cisne (28-23) ao impoñerse ao Seis do Nadal
Por Ramiro Espiño |