Bea Gómez estrea o seu calendario internacional no Meeting de Luxemburgo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/7b8/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/54c8a2186c-20141212_cto_esp_sabadell_01.jpg)
© Federación Galega de Natación
Co Campionato do Mundo de Kazán (Rusia) en mente como principal obxectivo da tempada, Bea Gómez Cortés inicia esta fin de semana o seu calendario internacional.
A pontevedresa intentará mellorar o seu estado de forma e achegarse ás súas mellores marcas no 17º Luxemburgo Euro-Meet, que se disputa entre o venres 30 de xaneiro e o domingo 1 de febreiro.
A nadadora do Galaico participará na cita co Equipo Nacional Absoluto, estando inscrita nos 800, 400, 200 e 100 libre e nos 200 e 400 estilos.
Xunto a ela estará en Luxemburgo a ribeirense María Vilas, que nadará as mesmas probas que Bea, e Luisa Domínguez, a que ata hai uns meses era adestradora da lerezana no Centro Galego de Tecnificación Deportiva.