Gómez Noya faise centenario en Australia
Por Redacción
Moito choveu dende a Copa de Europa de Estoril 2002, na que Javier Gómez Noya facía o seu debut nunha proba internacional de triatlón do calendario ITU.
Trece anos despois, o deportista galego superará na terceira cita das Series Mundiais en Gold Coast (Australia) as 100 carreiras individuais, segundo revela o portal www.triatlonnoticias.com.
En todo este tempo logrou entre outros logros catro títulos mundiais, vitorias en Copas do Mundo, de Europa ou campionatos continentais, cun total de 37 triunfos e 23 segundos postos.
Unha traxectoria chea de éxitos que non apagaron as súas ganas de seguir na elite. De feito, tras sumar o seu primeiro podio das Series Mundiais en Auckland, Gómez Noya busca en Gold Coast asaltar o liderado do campionato que ostenta provisionalmente Jonathan Brownlee.
A cita australiana, que terá lugar este sábado 11 de abril (6:00 horas da madrugada en España), disputarase en distancia olímpica de 1,5 quilómetros de natación, 40 en bicicleta e 10 de carreira a pé.
Relacionadas:
-
Terceiro posto para Javi Gómez Noya nas Series Mundiais de Gold Coast tras unha complicada carreira
Por Diego Espiño |
-
Gómez Noya remata segundo nas Series Mundiais de Auckland tras Jonathan Brownlee
Por Diego Espiño |
-
Gómez Noya e os irmáns Paz, entre os galadornados cos Premios Deporte Galego 2014
Por Redacción |
-
Sexto posto para Javi Gómez Noya no seu debut nas Series Mundiais de tríatlon
Por Alejandro Espiño |