O Lugo, rival do Pontevedra para o Luis Otero
Por Redacción
Finalmente o Trofeo Luis Otero, na súa LVI edición, xogarase, e farao cun rival de Segunda División para o Pontevedra como é o Club Deportivo Lugo.
O mal estado do céspede do Estadio Municipal de Pasarón desaconsellaba xogar máis encontros na casa antes do inicio da liga, despois do choque do sábado ante o Valladolid, pero a directiva granate decidiu facer un esforzo para conservar un trofeo histórico, que tradicionalmente servía de presentación do equipo.
O partido xogarase o próximo martes 11 de agosto ás 20:30 horas da tarde.
Será a última ocasión para que os afeccionados do Pontevedra comproben a evolución do equipo antes de que comece oficialmente a competición ligueira.
JANDRÍN E ANXO TRABALLAN Á MARXE
A pretempada continúa o seu curso e o primeiro equipo regresou este luns aos adestramentos. Fíxoo con todo o plantel a disposición de Luisito salvo dous futbolistas: Anxo e Jandrín.
O primeiro deles aínda non puido traballar ao ritmo dos seus compañeiros polos problemas físicos que arrastra dende o play-off, mentres Jandrín está afectado dunha sobrecarga na parte posterior da coxa que aconsella precaución, se ben se espera que chegue ao inicio de liga en perfectas condidiones.
Relacionadas:
-
O Pontevedra adxudícase o Luis Otero ao impoñerse ao Lugo nos penaltis (1-1)
Por Ramiro Espiño & Diego Torrado |
-
As presidentas de Pontevedra CF e Deputación 'fanse a pelota'
Por Diego Espiño |
-
A recadación do amigable entre Villalonga e Pontevedra, a beneficio de Down Xuntos
Por Redacción |
-
O Real Valladolid imponse (0-2) a un Pontevedra que deixa boas sensacións
Por Ramiro Espiño & Diego Torrado |
-
Positiva estrea do Pontevedra en Redondela
Por Redacción |