Precaución con Pablo Carnero e Adrián Gómez
Por Diego Espiño
O Pontevedra Club de Fútbol retomou este mércores os adestramentos tras unha xornada de descanso pendente do estado físico de dous dos seus futbolistas, Pablo Carnero e Adrián Gómez.
No caso do segundo, as alarmas saltaron ao verse obrigado a pedir o cambio o pasado domingo por problemas musculares, se ben a súa evolución nas últimas horas foi positiva e debería chegar en condicións ao encontro do próximo domingo (17:30 horas) en Asturias ante o Lealdade.
Con todo o lateral, que traballa xunto ao resto do grupo, o fai con precaución para evitar que se reproduzan os problemas.
Caso similar é o de Pablo Carnero. O dianteiro debería retornar á convocatoria tras cumprir un partido de sanción, pero preocupa o estado do seu xeonllo, que o obrigou a retirarse dun adestramento a pasada semana.
Este martes acudiu a realizarse probas médicas, sen que se detectase lesión algunha, polo que dende o corpo técnico confían en que recupere sensacións mentres segue adestrando ao mesmo ritmo que os seus compañeiros.
O que non chegará ao partido en Villaviciosa será Miguel Loureiro, que dende o encontro de Copa do Rei en Guijuelo adestra a menor ritmo.
Relacionadas:
-
O Pontevedra abónase ao 1-0 en contra, cae ante o Lealtad e suma catro meses sen facer gol a domicilio
Por Redacción |
-
Jacobo e Tomás, baixas para o desprazamento a Villaviciosa
Por Ramiro Espiño |
-
Dous goles de Borjas para unha estrea con nota do Pontevedra (2-0) fronte ao Tudelano
Por Ramiro Espiño & Diego Torrado |
-
O Pontevedra reserva efectivos e págao sendo eliminado da Copa do Rei en Guijuelo (1-0)
Por Redacción |