Chicago, última parada para Gómez Noya no camiño ao seu quinto título mundial
Por Redacción
Javi Gómez Noya quere ampliar esta fin de semana a súa lenda logrando algo que ninguén fixo no seu deporte, sumar o seu quinto título mundial.
O triatleta galego afronta en Chicago a Gran Final das Series Mundiais, campionato que lidera con suficiencia pero que aínda debe rematar tras unha tempada marcada pola regularidade.
Gómez Noya só quedou fóra do podio na primeira cita do calendario, en Abu Dhabi, sumando dous triunfos en Yokohama e Estocolmo.
En Chicago ao deportista afincado en Pontevedra bástalle con ser terceiro, independientemente dos que fagan o resto dos seus rivais que aínda contan con opcións: o español Mario Mola, o francés Vincent Luís e o sudafricano Richard Murray.
Quinto no Mundial é o talaverano Fernando Alarza, que tamén ten a súa base de adestramento na cidade de Lérez.
A carreira disputarase baixo distancia olímpica (1.500 metros de natación, 40 quilómetros de ciclismo e 10 quilómetros de carreira a pé) na madrugada do sábado a domingo (0:00 horas en España), retransmitida en directo pola Televisión de Galicia.
Relacionadas:
-
Pentacampión! Javi Gómez Noya engrandece a súa lenda co seu quinto título das Series Mundiais
Por Alejandro Espiño |
-
Gómez Noya remata segundo nas Series Mundiais de Edmonton e xa pensa na Gran Final
Por Diego Espiño |
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |
-
Javi Gómez Noya gaña en Estocolmo e queda a un paso do seu quinto Mundial
Por Redacción |
-
Gómez Noya vese "con opcións de volver gañar o Mundial e non o vou desaproveitar"
Por Diego Espiño |