Os equipos do Waterpolo Galaico non poden co CN Coruña na Supercopa Galega
Por Redacción
A Supercopa Galega supuxo a pasada fin de semana a bandeira de saída das competicións oficiais no waterpolo autonómico, con dobre presencia do Galaico.
Os equipo absolutos masculino e feminino do club pontevedrés afrontaron, sen excesiva fortuna, as finais deste torneo no Centro Galego de Tecnificación Deportiva ante o Club Natación Coruña.
Os mozos acusaron os seus erros durante o encontro, especialmente nas superioridades, nas que de 11 ocasións só materializaron un tanto.
Con todo o choque caracterizouse pola intensidade e a igualdade, pese a que no segundo cuarto os coruñeses chegaron a poñerse con vantaxe de 2-7.
Os pupilos de Javi de Sáa reaccionaron entón para chegar 6-8 ao periodo final, pero aí o CN Coruña mostrouse máis efectivo sentenciando co 6-11 definitivo.
Pola súa banda a final feminina decidiuse por pequenos detalles (3-5) con pouca efectividad atacante.
Adiantáronse as coruñesas no primeiro cuarto e tras un segundo periodo sen goles no terceiro as pontevedresas lograron a igualada. Todo se decidiu no parcial definitivo con dous goles das coruñesas.
Trala supercopa os equipos do Galaico céntranse xa en chegar nas mellores condicións posibles ao comezo de liga.