Só un partido en Pasarón durante todo o mes de novembro
Por Diego Espiño
O Pontevedra Club de Fútbol prepárase para afrontar unha fase da competición na que se acumulan os partidos lonxe do seu estadio.
Durante todo o mes de novembro Pasarón só acollerá un partido de liga, o domingo 15 de novembro ante o Izarra, mentres os granates afrontarán tres desprazamentos, o primeiro deles un dos máis longos da tempada, a Tafalla (Navarra) ante o Peña Sport. Despois virán o domingo 22 a viaxe a Xixón para enfrontarse ao filial do Real Sporting e a visita a Vigo o día 29 para xogar ante outro filial, o Celta B.
Esta fase da tempada chega nun momento no que o equipo pontevedrés mellorou notablemente o seu rendemento como visitante, con dous triunfos consecutivos ante o Real Racing Club e o Arandina.
Con esa confianza os granates buscarán o triunfo o domingo (16:45 horas) ante un Peña Sport penúltimo na clasificación pero que mellora notablemente o seu rendemento no seu estadio, onde logrou sumar os seus 8 puntos con dous triunfos (Lealtad e Izarra) e outros dous empates (Real Racing e Arandina). De feito os navarros só perderon un partido na casa, ante o ata agora intratable Racing de Ferrol.
CAMPILLO VOLVE TRAS A SÚA SANCIÓN
En canto á situación do equipo, Luisito recuperará esta fin de semana a un dos seus futbolistas máis utilizados, Campillo, unha vez cumprido o seu partido de sanción por acumulación de amoestacións.
Coa volta do defensa e salvo contratempo, o técnico do Pontevedra espera contar con todos os seus futbolistas en perfectas condicións para o choque en Tafalla.
Relacionadas:
-
Lesións e sancións deixan en cadro ao Pontevedra para recibir ao Izarra
Por Ramiro Espiño |
-
O estado de Jacobo, principal preocupación na volta aos adestramentos
Por Redacción |
-
Izarra, un equipo con dúas caras do que non se fía o Pontevedra
Por Diego Espiño |
-
Cun menos e no último minuto o Pontevedra imponse (1-2) á Peña Sport
Por Redacción |
-
Queijeiro e Campillo, novidades no Pontevedra para a súa visita á Peña Sport
Por Ramiro Espiño |
-
Marino de Luanco, rival do Pontevedra na primeira rolda da Copa Federación
Por Redacción |
-
Un erro defensivo e unha nefasta arbitraxe condenan o Pontevedra ante o Logroñés (0-1)
Por Ramiro Espiño & Diego Torrado |