Novo derbi para o Arxil no seu mellor momento da tempada
Por Redacción
O Club Baloncesto Arxil afronta este sábado en Navia (17:00 horas) un novo derbi na liga Feminina 2 que chega no seu mellor momento de xogo da tempada.
As verdes buscan en Vigo o seu cuarto triunfo consecutivo ante un equipo que non comezou ben a tempada e marcha duodécimo con dous triunfos e sete derrotas.
No Arxil, o nivel de xogo foi mellorando na últimas semana, en especial tras a chegada da australiana Skye Rees, para ir remontando posicións na clasificación e achegarse á zona nobre.
O precedente este curso remóntase á Copa Galicia, na que as pontevedresas venceron ao Celta sen ter aínda no plantel a Yanique Gordon e a propia Rees.
Ademais destas dúas xogadoras, Mayte Méndez contará para a cita con Ana Román, Cristina Díaz-Pache, Fany López, Carla, Sandra, Ana Martín, María Centeno, María Lago, Jara e Andrea.