O Natación Galaico cumpre os prognósticos e proclámase campión galego de inverno
Por Redacción
O Club Natación Galaico foi o gran vencedor do Campionato Galego Absoluto de Inverno celebrado durante tres días no Complexo Deportivo Rías do Sur de Pontevedra.
A entidade local proclamouse mellor club da competición con 1.022 puntos, polos 654 do Pabellón Ourense e os 637 do Natación Ferrol.
O Galaico impúxose na categoría feminina por diante de Arteixo e Club de Mar e foi segundo na masculina, superado polo Pabellón Ourense.
O campionato desenvolveuse en piscina de 25 metros e contou coa participación de 24 clubs de toda Galicia.