O Setga Monte Porreiro non levanta cabeza
Por Redacción
O ano 2016 empezou para o Setga Monte Porreiro como terminou o pasado, cunha derrota no seu primeiro compromiso en División de Honra.
As pontevedreses acusaron en exceso a ausencia de Elísabet Cadilla por motivos laborais e cederon ante o AD Vincios (2-4) no pavillón da Cidade Infantil Príncipe Felipe.
Vitoria Cadilla, Noelia Santiago e Noa Bernárdez compuxeron o equipo do Setga, que segue sen gañar en liga e mantense como pechacancelas da clasificación, aínda que a só dous puntos da zona de salvación.
Neste sentido resultará clave a próxima xornada, na que se enfrontarán un rival directo pola permanencia como o Cinania, equipo que lle precede na táboa con dous puntos.
Por contra, o equipo masculino do Tenis de Mesa Monte Porreiro continúa co seu bo momento ao iniciar o ano cun novo triunfo, esta vez ante o Oargi por un contundente 5-1.
Os pontevedreses mantéñense nos postos altos da clasificación da División de Honra, terceiros con 14 puntos.