Javier Gómez Noya e Teresa Portela, premios Deporte Galego 2015
Por Redacción
O secretario xeral para o Deporte, José Ramón Lete Lasa, fixo pública este xoves a lista de galardoados nos Premios Deporte Galego 2015, que recoñecen aos deportistas, persoas e institucións máis destacadas do ano no ámbito do deporte autonómico.
Os principais premios, ao mellor deportista masculino e mellor deportista feminina foron a parar ao pentacampeón do Mundo de tríatlon, Javier Gómez Noya, e á piragüista olímpica Teresa Portela.
Ademais un ximnasta do Club Ximnasta Pontevedra, o ourensán Daniel Pérez, será distinguido cunha mención especial tras facer historia no último mundial de trampolín cun cuádruplo mortal.
En canto ao resto de premiados, Susana Rodríguez (tríatlon) e Martín de la Puente (tenis) foron nomeados como os mellores deportistas con discapacidade; Adrián Ben (atletismo) e Miguel Alvariño (tiro con arco) como a deportistas revelación: Atlético Guardés (balonmán) e Club Ourense Baloncesto son os mellores clubs de 2015; Racing Club Chapela o mellor equipo con deportistas con discapacidade; Club Ciclista Chapela a mellor entidade en promoción da base; Rafael Vázquez López (badminton) o mellor adestrador; María Bautista Maestre (taekwondo) o mellor árbitro; Gran Premio de Marcha Cantones da Coruña o mellor evento; Abanca recibirá o premio ao patrocinio deportivo; e o sumplemento 'Más Deporte' de La Región o do mellor labor informativo.
Ademais os premios 'Galicia Saudable' son para o Concello de Arteixo, IES Mugardos e Alcer Coruña.
Os premios serán entregados o día 12 de maio no Teatro Principal de Ourense.
Relacionadas:
-
Javi Gómez Noya, premio Princesa de Asturias dos Deportes
Por Alejandro Espiño |
-
Gómez Noya recoñece que se está "atopando ben" antes de estrear tempada en Francia
Por Diego Espiño & Mónica Patxot |
-
Gómez Noya pospón o seu debut nas Series Mundiais ata Leeds e renuncia a pelexar polo título
Por Redacción |
-
Gómez Noya, abandeirado nos Xogos Olímpicos?
Por Diego Espiño |
-
Gómez Noya renuncia a competir con licenza galega por discrepancias coa Federación
Por Redacción |
-
VÍDEO.- Daniel Pérez, do Ximnasia Pontevedra, fai historia no Mundial de Trampolín cun cuádruplo mortal
Por Redacción |