Hamburgo, primeira experiencia de Carmen Gómez nas Series Mundiais de tríatlon
Por Redacción
Non esquecerá facilmente Carmen Gómez Cortés a cidade de Hamburgo, Alemaña, lugar do seu debut na máxima categoría do tríatlon internacional.
A triatleta pontevedresa, aínda de idade junior, estreouse na localidade xermana nunha proba das Series Mundiais, na categoría elite feminina.
Non foi un debut sinxelo, e é que Carmen finalizou no posto 58 tras 1 hora 2 minutos e 34 segundos de esforzo, nunha carreira que se lle fixo longa a pesar da súa distancia sprint (750 metros de natación, 20 quilómetros de ciclismo e 5 quilómetros de carreira a pé).
A vencedora final foi a estadounidense Katie Zaferes (57:03). Tamén participaron en Hamburgo deportistas junior que comparten traxectoria con Carmen Gómez, como Inés Santiago (58:51) ou Cecilia Santamaría (59:45).
Con todo a experiencia, primeira nas Series Mundiais, é máis que positiva para a pontevedresa, que aspira a ir progresando pouco en pouco no ránking internacional.
Relacionadas:
-
Brillante debut de Carmen Gómez en distancia olímpica cun bronce na Copa de Europa
Por Diego Espiño |
-
Pelexado vixésimo primeiro posto de Carmen Gómez no Mundial Junior de tríatlon
Por Redacción |
-
Bea Gómez debuta no tríatlon "por diversión" en Arteixo
Por Diego Espiño |
-
Javi Gómez Noya triunfa en Lisboa e gaña o seu cuarto título europeo
Por Redacción |
-
Carmen Gómez cambia o CGTD de Pontevedra pola Residencia Blume de Madrid
Por Diego Espiño |