Desconto para os clubs da comarca no II Torneo EncestaRías
Por Redacción
A expectación crece en Vilagarcía conforme achégase a segunda edición do Torneo EncestaRías, que achegará á localidade a mellor liga nacional de baloncesto, a Liga ACB.
Tres equipos da máxima categoría (UCAM Murcia, Laboral Kutxa e Unicaja de Málaga), xunto ao Leyma Basquet Coruña da LEB Ouro conforman o cartel do torneo, que se disputará no pavillón de Fontecarmoa entre os días 3 e 5 de setembro.
A intención da organización pasa por encher as bancadas do pavillón durante os tres días, e para iso dispuxeron uns abonos máis baratos que na pasada edición (25 euros senior e 15 euros para os infantís) con descontos para os clubs da Delegación Arousá.
Nesa categoría entran todos os clubs da comarca, desde Arousa pasando polo Salnés e Pontevedra, que poderán retirar os seus abonos para os tres partidos por 20 euros para os senior e 10 euros para os infantís, coa única condición de reunir a 20 persoas do club en caso dos senior e de 10 en caso das categorías inferiores.
O torneo arracará o sábado 3 de setembro (19:00 horas) co partido entre Basquet Coruña e Unicaja, continuará o domingo 4 (17:30 horas) co enfrontamento entre Laboral Kutxa Baskonia e Unicaja e finalizará o luns 5 (20:30 horas) co choque entre UCAM Murcia e Laboral Kutxa.