Granate ou branca, así son as camisetas "exclusivas" do 75 aniversario do Pontevedra
Por Diego Espiño
Totalmente granate ou branca con liñas verticais en granate. Así son as camisetas coas que o Pontevedra CF conmemorará o seu 75 aniversario.
Nun acto que se celebrou na tenda do club, situada nos baixos do estadio de Pasarón, a presidenta do club, Lupe Murillo, presentou as dúas elásticas que os xogadores do equipo lucirán a partir deste domingo, no partido contra o Lealtad.
Trátase, explicou, dunha camiseta "exclusiva" que só se lucirá esta tempada e que, posteriormente, será retirada. Ademais, a peza está producida por primeira vez por unha marca de roupa propia do Pontevedra.
Outra das grandes novidades desta camiseta é que, por primeira vez na historia do club, o escudo do equipo estará situado no centro do peito, aínda que mantén o seu deseño para non molestar aos afeccionados máis tradicionais.
Iso si, será de cor prateada para festexar as vodas de platino que cumpre o Pontevedra este ano. E como chiscadela á historia do club, leva incorporada unha marca de auga que reproduce a imaxe da ponte do Burgo que, segundo Lupe Murillo, "es muy significativo para todos los que somos del Pontevedra".
Polo momento, non se desvelou o prezo que terá esta camiseta, aínda que desde o club apuntan que será moi similar ao da elástica actual, que se pode adquirir a 40 euros (35 para socios) na tenda de Pasarón. A nova será "solo un poquito más cara", segundo a directiva.
Esta camiseta só a vestirán os xogadores do primeiro plantel do Pontevedra. O equipo filial e o resto de conxuntos da base seguirán utilizando a habitual do club.
Relacionadas:
-
Marcos Martín-Sonseca Gallardo, o socio máis novo do Pontevedra CF
Por Redacción |
-
Preocupación no Pontevedra, que espera multas pola invasión de campo e uso de material prohibido nas bancadas
Por Diego Espiño |
-
75 anos granates ben merecen un regreso ás Palmeiras
Por Redacción & Diego Torrado |
-
Final feliz en Pasarón a un día de festa granate con vitoria (3-0) ante o Lealtad
Por Ramiro Espiño & Diego Torrado |
-
Granate polos catro costados: a cea de gala do 75 aniversario, reencontro de varias xeracións
Por Ramiro Espiño & Diego Torrado |
-
Vicente Del Bosque, a sinxeleza no mundo do fútbol
Por Redacción |
-
Jorge Valdano e a literatura do fútbol
Por Redacción |