Abel Suárez será baixa ante a Ponferradina por sanción
Por Diego Espiño
Sen tempo que perder, aínda que coa satisfacción de lograr o seu primeiros tres puntos a domicilio da liga, o Pontevedra céntrase no esixente duelo que vivirá o domingo (17:00 horas) ante a Ponferradina no Estadio Municipal de Pasarón.
O partido perderao Abel Suárez tras recibir en Tudela o seu quinto cartón amarelo da tempada, mentres queda en capela, a un cartón do castigo, Javi Bonilla.
O Xuíz de Competición confirmou este xoves a sanción dun encontro ao centrocampista canario, titular o mércores e que será un cambio obrigado no once que dispoña Luisito.
Non será o único, e é que o técnico introduciu variacións no equipo coa intención de minimizar o cansazo de xogar tres partidos nunha semana. Unhas rotacións que deron resultado e que volverán repetirse o domingo.
Outra das incógnitas que garda con celo o adestrador pontevedrés é o esquema de xogo que dispoñerá ante un dos candidatos ao ascenso, como é a Ponferradina, tendo en conta que nos dous últimos partidos empregou o 4-2-3-1 (ante Osasuna B en Pasarón) e un sistema con tres centrais e dous dianteiros sobre o céspede no Ciudad de Tudela.
FIXADA DATA E HORA PARA O PARTIDO EN LEÓN
Por outra banda o Pontevedra xa coñece a hora fixada para a súa visita ao campo do actual líder do grupo, a Cultural Leonesa. O choque disputarase no Reino de León o vindeiro domingo 13 de novembro ás 17:00 horas.
Relacionadas:
-
Golpe de autoridade dun sólido Pontevedra (2-0) ante a Ponferradina
Por Ramiro Espiño & Diego Torrado |
-
Duelo de xeiras positivas en Pasarón nun partido de altos voos entre Pontevedra e Ponferradina
Por Diego Espiño |
-
Exercicio de solidez do Pontevedra para sumar en Tudela o seu primeiro triunfo fóra (0-1)
Por Redacción |
-
Tudela, nova opción do Pontevedra para estrearse fóra da casa
Por Diego Espiño | Creada e actualizada
-
Remonta o Pontevedra fronte a Osasuna B (3-1) para manter intacto o fortín de Pasarón
Por Ramiro Espiño & Diego Torrado |