Lidia Parada, nome propio da cuarta xornada do Circuíto de Atletismo en Pista
Por Diego Espiño & Mónica Patxot
Lucida xornada deportiva a vivida este mércores no Centro Galego de Tecnificación Deportiva, escenario da cuarta xornada do Circuíto de Atletismo en Pista de Pontevedra.
Lidia Parada foi a gran protagonista do día. Estaba chamado a iso e non defraudou, xa que a atleta internacional barbancesa logrou en Pontevedra a mellor marca nacional do ano no lanzamento de xavelina. Fíxoo no seu primeiro intento cun rexistro de 57,20 metros.
Superou en máis de 10 metros á segunda clasificacada na súa proba, e iso que non puido mellorar a súa marca nos cinco intentos restantes, sendo os dous últimos nulos.
Outro dos grandes puntos de atención da xornada estaba posto no marinense Jean Marie Okutu no salto de lonxitude. O atleta do Fútbol Club Barcelona aspiraba a achegarse aos 8 metros na súa carreira para lograr a marca mínima para os próximos campionatos internacionais, pero quedou lonxe dos seus mellores rexistros.
Okutu non tivo un bo concurso e os seus tres primeiros saltos resultaron nulos. Só o cuarto (7,49 metros) e o quinto dos seus intentos (7,54 metros) tiveron validez.
Consulta aquí os resultados completos da cuarta xornada do Circuíto de Atletismo en Pista de Pontevedra, evento que regresará ao CGTD cunha nova xornada o próximo mes de xullo.
Relacionadas:
-
Atletismo de nivel na pista do CGTD
Por Redacción & Mónica Patxot |
-
Okutu e Lidia Parada, ao asalto da mínima mundialista nunha nova xornada do Circuíto de Atletismo de Pontevedra
Por Diego Espiño |
-
Deporte de quilates na terceira xornada do Circuíto de Atletismo de Pontevedra
Por Redacción & Mónica Patxot |
-
Animada xornada de atletismo no CGTD
Por Redacción & Diego Torrado |
-
O CGTD acollerá esta tempada un circuíto de atletismo en pista
Por Redacción |