Minata Keita non continuará no Arxil
Por Redacción
O Club Baloncesto Arxil non logrou reter a un dos piares do equipo na última tempada, Minata Keita, que pasaba ademais dunha das xogadoras máis determinantes de toda a Liga Feminina 2.
As altas pretensións da pívote malí fixeron imposible o acordo, xa que as súas aspiracións son xogar a próxima campaña na máxima categoría nacional ou nalgunha outra liga europea.
Keita alcanzou a pasada tempada 22,1 puntos de valoración por partido, sendo a terceira máxima anotadora (18,4 puntos por partido) e a mellor reboteadora (12,5 por encontro), o que lle valeu para ser incluída no quinteto ideal da competición.
En todo caso, conscientes da dificultade que supoñía reter á xogadora africana, o Arxil leva semanas rastrexando opcións no mercado e asegura estar preto de poder anunciar á que será as súas substituta no plantel.
En canto ao resto do equipo, o club verde asegura que as conversacións con María Lago, Carla Fernández, Cristina Díaz-Pache, Ana Martín, Arantxa Mallou e Ana Roman "van por bo camiño" cara á súa renovación. No caso de María González e Ana Martín, recuperándose de lesións, serán as xogadoras as que decidan se queren seguir un ano máis.
Se todas continuan, co apoio do filial e do junior, o Arxil intentaría realizar unha fichaxe máis para completar o equipo.
Relacionadas:
-
María Lago renova e cumprirá o seu sétimo ano no Arxil
Por Redacción |
-
A pívot colombiana Tatiana Mosquera ficha polo Arxil
Por Redacción |
-
Arantxa Mallou seguirá unha tempada máis no Arxil
Por Redacción |
-
Carla Fernández, primeira renovación no Arxil
Por Redacción |
-
Mayte Méndez seguirá outro ano máis á fronte do Arxil
Por Redacción |
-
A arxilista Minata Keita entra no quinteto ideal da tempada na Liga Feminina 2
Por Redacción |
-
O filial do Arxil ascende a Primeira Nacional
Por Redacción |
-
O Arxil traza o plan de ruta da próxima tempada coa idea de renovar a todo o plantel
Por Diego Espiño |