Máis profundidade de banco no próximo proxecto do Arxil
Por Redacción
Pechada a tempada na Liga Feminina 2 cos ascensos de Ensino de Lugo e Valencia Basket, no Club Baloncesto Arxil xa pensan no próximo curso.
A directiva do club pontevedrés púxose ao choio para confeccionar un equipo competitivo, o que pasa, pensan, por aumentar a profundidade do seu banco para evitar que momentos de lesións como os atravesados en varias fases do último curso condicionen o seu rendemento.
Tras as saídas de pesos do equipo como Ana Martín e Ana Román, a primeira das prioridades é lograr a renovación do resto do núcleo duro, como son María Lago, Arantxa Mallou, Cristina Díaz-Pache ou Chantel Charles, coas que xa se iniciaron as conversas.
Para máis adiante quedarán as negociacións coas xogadoras que alternan a súa presenza entre o primeiro equipo e o filial, xa que segue en competición.
Por último, e non menos importante, o Arxil peitea xa o mercado buscando aos reforzos que necesita para tentar dar un salto de calidade. Neste sentido o club, se retén ás actuais integrantes do equipo, pensa na incorporación de ata tres xogadoras.
Relacionadas:
-
O Arxil confirma a súa inscripción na Liga Feminina 2 de baloncesto
Por Redacción |
-
Chantel Charles non acepta a oferta de Arxil
Por Redacción |
-
O Arxil sobrevive a unha tempada convulsa e xa pensa no próximo curso
Por Redacción |
-
Despedida ligueira con bo sabor de boca para o Arxil que se impón a Basket Mar Gijón (67-60)
Por Redacción |