![](/web/cache/scene/uploads/fotos/foto/667/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5d62acd9d2-szeged-2019-k4-m-500-craviotto-arevalo-walz-germade-plata_3.jpg)
© Federación Galega de Piragüismo
A embarcación de Rodrigo Germade, subcampioa do Mundo en Hungría
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/5f7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d62acb0e7-szeged-2019-k4-m-500-craviotto-arevalo-walz-germade-plata_6.jpg)
© Federación Galega de Piragüismo
![](/web/cache/scene/uploads/fotos/foto/41c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d62ad0cf1-szeged-2019-k4-m-500-craviotto-arevalo-walz-germade-plata_1.jpg)
© Federación Galega de Piragüismo
Este domingo disputouse a xornada final do Mundial de Piragüismo, que se desenvolveu na cidade húngara de Szeged desde o pasado 21 de agosto.
Nesta ocasión, a actividade comezou ás 10:10 horas coa proba correspondente á final B de canoa individual masculina de 200 metros. Ao longo da mañá tiveron lugar outras carreiras, nas que os deportistas galegos conseguiron bos resultados.
Por unha banda, o cangués Rodrigo Germade, xunto aos seus compañeiros Saúl Craviotto, Carlos Arévalo e Marcus Walz, lograron a merecida prata na final A de K4 homes de 500 metros. Proclamándose, desta maneira, subcampións do Mundo na devandita modalidade.
Ademais, a embarcación de Antía Jácome e Patricia Coco meteuse no podio da final B da proba de canoa en parella de 500 metros. Finalizaron primeiras no seu grupo.
Para poñer fin ás probas matutinas, a padeeira do Ciudad de Pontevedra, Carolina García, terminou cuarta na final C da carreira de kaiak individual feminina de 500 metros.
O último galego en tomar parte na competición foi o grovista Tono Campos, que non conseguiu optar ao podio ao cruzar a liña de meta en novena posición despois de 23:39.67. Neste caso, o ouro foi para o alemán Sebastian Brendel.