Segunda medalla de prata nunha semana de Iván García a nivel internacional
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/d5d/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5dd28e3b40-75429393_2659408790793457_5131461225422520320_o.jpg)
© Federación Galega de Taekwondo
Unha semana fantástica é a que protagonizou Iván García a nivel internacional, con dobre presenza no podio de importantes competicións que lle outorgan importantes puntos no ranking.
O deportista do Mat's de Marín foi prata no Open de Croacia da categoría G-1, tras un gran campionato no que só foi superado nunha apertada final, e esta fin de semana repetiu resultado no Open de Francia celebrado en París.
Iván competía na categoría de -87 quilos, representando á Selección Española, comezando o torneo cun como triunfo contra o representante de Polonia (9-3).
Máis contundente foi o seu triunfo nos cuartos de final ante o tamén español Manuel Villén, ao que venceu por 20 puntos para plantarse na semifinal. Alí esperáballe o ruso Melikseti, ao que gañou 12-1.
De novo estaba na pelexa por un ouro internacional, do que se só lle separaba o mexicano Bryan Salazar. Foi un combate en grao sumo axustado, co marcador reflectindo un 14-14 a falta de escasos segundos, cando se viu superado polo seu rival para un 15-17 final.
Tamén foi destacada en Francia a actuación do seu compañeiro de equipo Sergio Troitiño, meritorio bronce na categoría cadete +65 quilos.
Relacionadas:
-
Sara Cortegoso, Iván García e Arlet Ortiz, ouros pontevedreses no Nacional de taekwondo
Por Redacción |
-
Éxito de participación na XII edición do Campionato Internacional de Taekwondo
Por Redacción & Diego Torrado |
-
VÍDEO.- Sergio Troitiño consegue a medalla de ouro no Europeo cadete de taekwondo
Por Diego Espiño |