Támara Echegoyen, ante o Europeo: "É unha proba perfecta para seguir adestrando para os Xogos"
Por Redacción
A primeira gran competición internacional post-Covid nas clases 49er e 49 er FX de vela xa está aquí.
Támara Echegoyen atópase en Austria para participar xunto á súa compañeira Paula Barceló no Campionato de Europa, no seu caso en FX, que terá lugar desde este martes en augas do lago Atter.
"Sabemos que vai ser un campionato que vai ofrecer moitas dificultades a todos os regatistas, xa que é un campo moi inestable e o parte é de vento frouxo, pero nós queremos seguir traballando e converternos nun equipo que poida loitar con todas as condicións, así que aquí imos ter todo o que estamos a buscar", explica a regatista pontevedresa.
Echegoyen e Barceló chegan á cita como actuais campioas do Mundo e tras completar un bo papel na Semana de Kiel, en Alemaña, e tamén no campionato open de Holanda.
Con todo, a pesar da importancia do Europeo, o dúo galego-balear ten claro cal é o seu obxectivo final, recuperar cando antes o seu mellor nivel para chegar nas mellores condicións o próximo verán aos Xogos Olímpicos de Tokyo, para os que xa están clasificadas.
"Temos moitas ganas de empezar a competir e de seguir mellorando, xa que esta é unha proba perfecta para seguir adestrando de cada aos Xogos Olímpicos", recoñece.
En canto ao sistema de competición do Europeo, por diante terán tres xornadas de probas clasificatorias e outras tres de series finais, estando prevista o final para o vindeiro domingo, día 4 de outubro.
Relacionadas:
-
Támara Echegoyen: "Se hai só unha oportunidade de que haxa Xogos, temos que chegar o mellor preparadas posible"
Por Diego Espiño |
-
Escalada ata a quinta posición de Támara Echegoyen e Paula Barceló na xornada final do Europeo
Por Redacción |
-
Támara Echegoyen regresa ao Top10 do Europeo de 49er FX tras conseguir un valioso quinto posto
Por Redacción |
-
Unha mala xornada fai caer a Támara Echegoyen ao duodécimo posto no Europeo de 49er FX
Por Redacción |
-
Támara Echegoyen vence no Nacional de Vela Holandés Open en Medemblik
Por Redacción |
-
Támara Echegoyen, con permiso para volver navegar no 49er FX máis de dous meses despois
Por Redacción |
-
Támara Echegoyen abandona o CEAR de Santander para seguir co confinamento na casa
Por Redacción |
-
A Federación de Vela defende o confinamento de Támara Echegoyen e o equipo preolímpico no CEAR de Santander
Por Redacción |
-
A Federación de Vela mantén a praza de Támara Echegoyen para os Xogos Olímpicos
Por Redacción |