Jesús Ramos: "Voume con moi boas sensacións. Plantámoslle cara de tu a tu ao Deportivo"
Por Diego Espiño
A derrota fronte ao Deportivo non amargou a mañá ao adestrador do Pontevedra Club de Fútbol, Jesús Ramos, moi satisfeito do rendemento ofrecido polo seu equipo sobre o terreo de xogo a apenas 10 días de que de comezo a liga na Segunda División B.
"A verdade creo que foi un bo partido, de tu a tu ata a expulsión", analizou Ramos a preguntas dos xornalistas. "Despois fomos capaces de meter un gol ao contragolpe pero logo sufrimos un pouco máis debido aos cambios e á inferioridade numérica, pero a verdade que me vou con moi boas sensacións. Plantámoslle cara de tu a tu ao Deportivo", sinalou.
Ao técnico granate gustoulle especialmente "a agresividade, a verticalidade coa que xogamos o partido" xa que "houbo fases do partido nas que fomos capaces de combinar e sen balón estivemos moi ben en transicións defensivas. Fomos bastante sólidos, capaces de apertarlles e roubar en campo contrario". Por todo iso para Ramos foi "un partido moi completo a verdade para ser pretempada".
O preparador do equipo pontevedrés non se mostrou preocupado polas ocasións falladas, porque "xa serán capaces de metelas en partidos de liga", aínda que recoñeceu que falta aínda coller un pouco máis de ritmo de competición para aguantar os partidos ao completo: "É verdade que para 90 minutos se cadra non estamos, non xogamos tanto partidos pero si tivemos máis sesións para preparar ao equipo e a verdade que me vou moi contento", explicou.
Tras esta cita o Pontevedra céntrase xa no seu seguinte amigable, o vindeiro sábado 10 de outubro fronte ao Compostela (Estadio Vero Boquete San Lázaro), un encontro "igual de importante e que nos vai a valer para evolucionar".
Relacionadas:
-
Jesús Ramos ve o Pontevedra "preparado para competir" e con ganas de "traer os tres puntos" de Ferrol
Por Diego Espiño |
-
Unha pretempada solvente avala o Pontevedra ante o inicio da Segunda B
Por Diego Espiño |
-
Lupe Murillo, sobre os obxectivos do Pontevedra: "Aspiramos a todo"
Por Diego Espiño |
-
O Pontevedra presenta a súa esperada campaña de abonados coa idea de que "todos los socios entren en Pasarón"
Por Diego Espiño |
-
Enganosa derrota ante o Deportivo dun bo Pontevedra (1-2)
Por Diego Espiño & Mónica Patxot |
-
Final de mercado sen sorpresas no Pontevedra e mirando cara a casa
Por Diego Espiño |
-
A pretempada do Pontevedra continúa cos amigables ante Deportivo e Compostela
Por Almu Dapena |
-
Suspendido o amigable entre UD Ourense e Pontevedra por un posible positivo en covid no conxunto ourensán
Por Almu Dapena |