O selectivo júnior e sub-23 en Verducido outorga as primeiras prazas para Europeo e Mundial ao piragüismo pontevedrés
Por Diego Espiño
A pista de piragüismo David Cal no encoro pontevedrés de Pontillón do Castro, en Verducido, acolle desde este xoves un control selectivo nacional sobre as distancias de 500 e 200 metros para deportistas júnior e sub-23.
A cita, previa á Copa de España prevista no mesmo lugar para a fin de semana, serve para conformar a Selección Española que acudirá ao próximo Campionato de Europa Júnior e Sub-23 que se disputará en Poznan (Polonia) do 24 ao 27 de xuño e ao Campionato do Mundo das mesmas categorías previsto do 3 ao 6 do próximo mes de setembro en Montemor (Portugal).
Alí estarán varios representantes do piragüismo pontevedrés, clasificados na primeira xornada do selectivo.
Os primeiros en lograr a súa clasificación foron Manuel Fontán (Náutico ou Muíño) e Martín Jácome (EP Ciudad de Pontevedra) no C-2 1.000 metros de categoría sub-23, ao impoñerse cun tempo de 3:46.955 por diante de Pablo Crespo (EP Ciudad de Pontevedra) e cangués Pablo Graña.
Ademais Antía Otero (EP Ciudad de Pontevedra) e Valeria Oliveira (Piragüismo Poio Pescamar) venceron con autoridade na proba do C-2 500 en idade júnior e tamén estarán en Europeo e Mundial.
O control selectivo organizado pola Real Federación Española de Piragüismo terá continuidade este venres 21 de maio.
Relacionadas:
-
O encoro de Verducido convértese no centro de alto rendemento para os canoistas españois
Por Manu Otero |
-
A covid-19 impide a participación do equipo español de piragüismo no Europeo de Maratón
Por Almu Dapena |
-
Tripla medalla para Antía Otero no Europeo Júnior: ouro en C-1 e prata e bronce en C-2 con Valeria Oliveira
Por Diego Espiño |
-
Boa imaxe do piragüismo pontevedrés no Campionato de Europa que se está celebrando en Polonia
Por Redacción |
-
Éxito pontevedrés na Copa de España de piragüismo sprint disputada en Verducido
Por Cristina Saiz & Almu Dapena |
-
Tres embarcacións con ADN pontevedrés triunfan na segunda xornada do selectivo júnior e sub-23 de piragüismo
Por Diego Espiño |
-
Copa de España e selectivo encherán de padeeiros o encoro de Verducido esta fin de semana
Por Manu Otero |
-
Antía Otero e Antía Jácome tómanse o desquite en Szeged cunha prata na Copa do Mundo de piragüismo
Por Diego Espiño |