Manuel Hurtado e Edymar Brea corónanse no Medio Maratón de Pontevedra
![](/web/cache/scene/uploads/fotos/foto/276/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/616c05788c-20211017-saiz-puente-tirantes-medio-maraton-cidade-pontevedra-023.jpg)
© Cristina Saiz
![](/web/cache/scene/uploads/fotos/foto/f55/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/616c058341-20211017-saiz-puente-tirantes-medio-maraton-cidade-pontevedra-060.jpg)
© Cristina Saiz
Os favoritos do Medio Maratón de Pontevedra celebrada este domingo non defraudaron. Manuel Hurtado e Edymar Brea impuxéronse con claridade na proba onde o atleta da Sociedad Gimnástica conseguiu o seu cuarto oro e Brea revalidou título, sendo os mellores dos case 1000 participantes.
Por cuestións sanitarias a saída realizouse de maneira graduada desde a Ponte dos Tirantes, concretamente en grupos de cen.
Primeiro arrincaron os da distancia de 10 quilómetros, onde gañaron Carlos Portos en categoría masculina cun tempo de 31 minutos e 44 segundos e Ángeles Castro na feminina con 41 minutos e 2 segundos.
Despois deles chegou a quenda dos mediofondistas, onde Hurtado e Brea fixeron o propio para ser os mellores un ano máis.
O atleta da Sociedad Gimástica parou o tempo en 1:07.33, avantaxando en máis de dous minutos a Carlos Villamor, segundo clasificado. Álvaro Prieto foi terceiro.
Pola súa banda, Edymar Brea superou en case 13 minutos a Ángela Rodríguez. Brea parou o cronómetro en 1:17.48 e Rodríguez, tras un apertado sprint con Sonia Teijeiro, en 1:30.20.
Galería de imaxes da XXVI edición do Medio Maratón de Pontevedra
© Cristina Saiz