Un novo auto xudicial abre a vía á apertura de Rías do Sur
Por Diego Espiño
O Complexo Deportivo Rías do Sur de Ponte Muíños poderá reabrir a piscina olímpica para o adestramento dos clubs deportivos.
Así se establece nun novo auto xudicial da titular do Xulgado de Primeira Instancia número 3 de Pontevedra, estimando as medidas cautelares solicitadas pola Fundació Rías do Sur.
Vólvese desta forma ao momento ao que se chegou a mediados do mes de xuño, antes de que o proceso se anulase por un defecto de forma fixando unha nova vista entre as partes para o pasado 8 de xullo.
Agora a xuíza volve estimar a petición da Fundación, que confirma a recepción do auto a última hora do venres e que deberá formalizar nos próximos días a súa demanda contra Supera por inclumplir o contrato de concesión ao pechar unilateralmente as instalacións o pasado 1 de abril.
En todo caso mentres esa denuncia nos tribunais non se resolve, será a propia Fundación Rías do Sur co apoio dos clubs a que deberá asumir o custo de mantemento da piscina olímpica.
Esta decisión abre a vía ao regreso para Ponte Muíños dos deportistas federados, que poderán volver adestrar e competir en Rías do Sur, aínda que non supoñerá a apertura do centro a deportistas particulares.
Desde a Fundación Rías do Sur avanzan que o seu equipo xurídico atópase estudando o documento xudicial antes de informar "nos próximos días" cales serán os seus seguintes pasos a dar.
Relacionadas:
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |
-
Rías do Sur, en xaque pola seca... e pola situación de ENCE
Por Diego Espiño |
-
Tensa espera para os traballadores de Rías do Sur tras o acordo para poñer fin á concesión de Supera
Por Diego Espiño |
-
Supera renuncia á concesión de Rías do Sur tras asinar un acordo extraxudicial coa Fundación
Por Diego Espiño |
-
Ao choio para poñer a punto a piscina olímpica de Ponte Muíños
Por Redacción |
-
A seca frea a reapertura de Rías do Sur: "Non encheremos a piscina ata que a situación cambie"
Por Diego Espiño |
-
Anulado por un defecto de forma o auto xudicial que obrigaba a reabrir de maneira inmediata Rías do Sur
Por Diego Espiño |
-
O xulgado ordena a reapertura inmediata da piscina olímpica de Ponte Muíños
Por Manu Otero | Creada e actualizada
-
O clamor dos clubs deportivos polo peche de Rías do Sur percorre as rúas de Pontevedra
Por Cristina Saiz & Diego Espiño |