O mellor taekwondo galego brilla en Pontevedra
Por Redacción & Cristina Saiz
O Pavillón Municipal dos Deportes volveuse a converter, tras ser epicentro da loita mundial, en sede dun dos torneos máis importanes da Boa Vila: o Campionato Cidade de Pontevedra, que comezou este sábado 29 de outubro e finalizará o martes 1 de novembro.
A competición chegou así a unha XXIV edición do todo especial con catro días cheos de taekwondo nos que competiron un total de 1.611 deportistas de todas as idades.
Abriron a xornada o sábado co torneo infantil precadete e junior de combate, mentres que, este domingo, estanse a celebrar as probas cadetes, absolutas e máster na mesma modalidade.
Xa o luns será a quenda do Campionato de España Precadete e o martes 1 de novembro poñerán o broche de ouro as modalidades de Técnica e Freestyle.