Libasse Gueye é o mellor xogador sub 23 do ano de Senegal
Por Manu Otero
O ano 2022 termina para o granate Libasse Gueye da mellor maneira posible. O extremo senegalés foi o heroe na vitoria do Pontevedra sobre o Tenerife na segunda rolda da Copa do Rey e, só uns días despois, acaba de ser elixido como mellor xogador sub 23 do seu país.
O atacante de 19 anos chegado este verán a Pasarón foi elixido pola federación do seu país como un dos catro xogadores máis prometedores. A través de redes sociais, lanzaron unha enquisa para que os fans elixisen o seu favorito. Libasse competía con xogadores contrastados e con experiencia en ligas moi duras a pesar da súa xuventude.
Libasse Guéye, mellor xogador senegalés sub-23 do ano 2022
— Pontevedra CF (@PontevedraCFSAD) December 28, 2022
Parabéns @LibasseGueye09 https://t.co/HrlKTX63tB
Iliman N`Diaye, mediocentro ofensivo de 22 anos que acaba de disputar tres partidos no recentemente finalizado mundial de Qatar, era o seu principal rival. Ademais, é unha das principais figuras do Sheffield United da segunda división inglesa, na que acumula 24 partidos xogados con 9 goles anotados.
Máis experiencia na elite acumula o lateral do Mónaco Ismail Jakobs. Titular nos últimos partidos do mundial coa selección absoluta, o defensor foi traspasado este verán ao conxunto francés por 6,5 millóns de euros desde o Colonia e acumula xa minutos en competicións europeas.
O menos coñecido no vello continente é Bacary Sané, prometedor central que aínda segue xogando no Diambars da liga senegalesa, club no que se fomró o extremo do Pontevedra.
Na votación, que acumulou preto de 900 votos, Libasse Gueye conseguiu o 52,2 % dos votos, seguido do N`Diaye, co 26,9 %; mentres que Jakobs e Sandei quedaron no 10,6 % e 10,3 % respectivamente.
Un resultado que reflicte as grandes esperanzas que ten a afección senegalesa no futuro de Libasse Gueye, sinalado nalgunha ocasión como o novo Sadio Manei.
Relacionadas:
-
Sanción económica, despedimento disciplinario... A que se expón Libasse Guèye pola súa 'espantada' do Pontevedra?
Por Diego Espiño |
-
Os incómodos 'me gusta' nas redes sociais do desaparecido Libasse Guèye
Por Diego Espiño |
-
Mario Ortiz marcha ao Algeciras e fai oco á fichaxe de Derik Osede polo Pontevedra
Por Diego Espiño |
-
A visita do Mallorca en Copa "é un partido para poder facer historia" no Pontevedra, aínda que mirando de esguello á liga
Por Diego Espiño |
-
A opción de dar de alta a Derik Osede no mercado de inverno "está aí. Véxoo un xogador súper apto"
Por Diego Espiño |
-
Os granates volven ao traballo con vinte efectivos e catro ausencias
Por Manu Otero |
-
Gueye vístese de Papa Noel e regala a Pontevedra unha nova festa de Copa á conta do Tenerife (2-1)
Por Manu Otero & Cristina Saiz |
-
Libasse Guèye, de volta en Pontevedra tras ser protagonista coa Selección Sub-23 de Senegal
Por Diego Espiño |
-
Libasse Guèye, convocado con Senegal sub-23, perderase dous partidos co Pontevedra
Por Redacción |
-
O senegalés Libasse Guèye, nova fichaxe do Pontevedra
Por Diego Espiño |