O Ciclocrós Ría de Marín prepárase para a súa edición máis urbana
Por Diego Espiño
A Barriada Virxe do Carme (Barriada de Suboficiais) acollerá o próximo sábado, 21 de decembro, o XII Ciclocrós Ría de Marín.
Na súa edición máis urbana ao Club Cilista de Marín, organizador da proba, esquece o Lago de Castiñeiras para buscar unha maior asistencia dos afeccionados á bicicleta nunha competición que será puntuable para o ránking nacional.
Precisamente isto, que o ciclocrós teña carácter nacional, fai que a organización se mostre optimista con lograr unha alta participación, a pesar de coincidir con outra proba o mimso día en Gijón.
Así o recoñeceu o presidente do club marinense, Juan Carlos Ruibal, quen espera "ofrecer un bo espectáculo" en todas as categorías.
A competición arrancará ás 14:45 horas cos infantís, seguindo coa proba cadete feminina ás 15:00 horas, Máster ás 16:00 horas e por último Elite, sub-23, Júnior e Sénior ás 17:00 horas.
Na presentación do evento, ademais de Ruibal, estivo presente a ciclista cadete Irene Trabazo, proclamada recentemente campioa da Copa Federación e que entregou un dos maillots de líder da proba nacional á alcaldesa María Ramallo.