Martín Grandío, do Team Thunder, concentrado en Los Alcázares coa Selección Española de base
Por Redacción
O boxeador infantil do Team Thunder, Martín Grandío, atópase esta semana concentrado coa Selección Española de Boxeo.
O equipo nacional está a preparar compromisos internacionais en categorías cadetes en Los Alcázares, e á súa vez, celebra no PNTD (Plan Nacional de Tecnificación Deportiva), onde os infantís da selección están a traballar polo futuro do boxeo español.
Un dos deportistas convocados é o marinense Martín Grandío, premiando desta forma o seu bo traballo nos campionatos nacionais, onde foi campión, ademais do seu gran rendemento en todas as concentracións autonómicas.
Con el e tres seleccionados máis de Galicia, desprazouse á comunidade murciana o tamén marinense Aarón González, que ademais de traballar coa selección galega, entra a formar parte do equipo técnico da selección española.
Aarón está a colaborar estreitamente coa Federación Española en proxectos de formación de base como son os Graos da Evolución Deportiva e agora co PNTD.
Ademais da preparación técnico-táctica, os deportistas están a participar en talleres formativos de vendaxe, arbitraxe e charlas nas que se traballan psicoloxicamente certos aspectos e valores do deporte reforzando a formación práctica adquirida nos adestramentos.
Con logros como este, o club Team Thunder consolídase como un dos clubs que máis traballan o deporte de base na comunidade galega.
Relacionadas:
-
O Team Thunder lócese en Portugal
Por Redacción |
-
Doce combates compoñen o cartel da quinta edición da Copa Galicia de Boxeo en Marín
Por Redacción |
-
A Cañota repetirá en decembro como sede da Copa Galicia de Boxeo
Por Redacción |
-
O Team Thunder inicia a nova tempada con moita ambición
Por Redacción |
-
Aarón González faise co campionato galego ante a afección marinense
Por Redacción |
-
Fin de semana redonda para o Team Thunder nos campionatos galegos
Por Redacción |
-
O boxeador Aarón González adestra co campión mundial arxentino, Marabilla Martínez
Por Redacción |
-
O Team Thunder celebra unha festa para presentar o equipo de competición para un "prometedor" 2023
Por Oskar Viéitez |